Што е геотекстил и зошто ви треба во дворот - водич за употреба и поставување

Што всушност прави геотекстилот

Геотекстилот е синтетичка тексилна мембрана која се поставува помеѓу почвата и материјалот што го ставате врз неа (чакал, декоративен камен, плочки или дренажен систем). Функцијата му е едноставна, но клучна:

• Спречува мешање на слоевите – го одделува чакалот од земјата под него, така што со текот на времето чакалот не потонува и не се губи во почвата
• Спречува раст на трева и плевел – блокира сончева светлина до семките во почвата, но пропушта вода и воздух
• Овозможува дренажа – за разлика од фолија или најлон, геотекстилот е пропустлив, па дождовната вода слободно поминува низ него наместо да се задржува на површината
• Го продолжува векот на патеката или површината – помалку одржување, помалку дополнителен чакал секоја година

‍

‍

Каде се користи во дворот?

Геотекстилот не е наменет само за декоративни чакалести површини. Најчесто се поставува:

• Под патеки од чакал или декоративен камен
• Околу дрвја и во леи со мулч, за спречување плевел
• Под тераси, платформи и дрвени подиуми
• При изградба на дренажни канали и системи за одводнување на дворот
• Под вештачка трева, каде спречува пробивање на плевел одоздола

‍

Како се поставува правилно?

Постапката е едноставна, но редоследот е важен:

1. Се исчистува и порамнува површината, се вадат камења, корени и остатоци од растенија
2. Се разгрнува геотекстилот директно врз земјата, со преклопување од 10-15 см помеѓу трите
3. Се фиксира со клинови/шајки за геотекстил, особено на косини
4. Одозгора се насипува слојот чакал или декоративен камен, во дебелина која зависи од намената

Важно е геотекстилот да не се остава изложен на сончева светлина подолго време пред да се покрие, бидејќи UV зраците го намалуваат векот на траење на материјалот.

‍

Препорачуваме производи:

‍